16 July 2019

RSS Facebook

سوداگریز


تازه خبرونه

Youtube Player

khantry design

سوداگریز

سوداگریز

قلات\باختر\ د چنګاښ ٢٣ مه
د ننګرهار د روداتو ولسوالۍ لرو درملتونونه ته دارو درمل ولېږدول شول.
دغه ٥١ بېلابېل ډول درمل د عامی روغتیا وزارت او د ادا  بنسټ برابر کړي وو.
د ننګرهار د رسنیو دفتر د یوې خبر پاڼې په خپرولو سره ويلي، چې د دغو درملو په لېږد سره ، په روغتیایی مرکزونو کې د درملو د کمښت ستونزه حل شوه.
د يادونې وړ ده که د روداتو ولسوالۍ د ناروغانو درملنه په خپله سيمه کې ونه شی، نو اړ دي چې د زیات لګښت اود اوږدې لارې په وهلو نورو سيمو ته لاړ شي.
پای\ خروټې

قلات\باختر\ د چنګاښ ٢٣ مه
نن په هرات ښار کې یو سړی د یوه یرغلګر په ډزو کې ووژل شو .
په دغو ډزو کې دوه تنه نور ټپیان شوي هم دي .
یرغلګر له ډزو وروسته امنیتي ځواکونو نیولى دى.
د هرات یوه امنیتي خبر ځای د باختر اژانس خبریال ته وویل، چې په دغو ډزو کې یو کس وژل شوى او دوه نور ټپیان شوي دي .
خبرځاى وايي، چې  یرغلګر په  لومړنیو څېړنو کې په خپل جرم اعتراف کړی او زياته کړې يې ده چې وژل شوي سړي یې ورور وژلی و او ده هم ترې د خپل ورور د وینې غچ واخیست.
یرغلګر وایي په وار وار يې د بادغیس سیمه ېیزو ادارو ته مراجع کړې څو يې د ورور قاتل ونیسي، خو دوی  ونه نیوه له دی امله یی خپله غچ پخپله واخیست .
سعیده

_ قلات\باختر\ د چنګاښ ٢٣ مه
د زابل د امنيې قوماندانۍ مسوولين وايي چې د دغه ولايت د شاجوى ولسوالۍ په مربوطاتو کې دولس وسله وال طالبان وژل شوي دي.
د امنيې قوماندان سعيد معراج سادات د باختر اژانس سيمه ييز خبريال ته ويلي، چې تېره شپه په شاجوى ولسوالۍ کې د افغان ځواکونو او وسله والو طالبانو ترمنځ نښته شوې.
سرچينه زياتوي چې په نښته کې دولس وسله وال طالبان وژل شوي او افغان ځواکونو ته پکې زيان نه دى اوښتى.پاى\وصال

کابل/باختر/ د چنګاښ ۲۳ مه
د افغانستان د اسلامي جمهوریت جمهور ريیس محمد اشرف غني پرون مازدیګر د ولسي جرګې له ريیس میررحمان رحماني سره وکتل.
د جمهور رييس د وياند دفتر باختر آژانس ته خبر ورکړ:
په دې کتنه کې چې په ارګ کې ترسره شوه، جمهور ريیس غني یو ځل بیا میررحمان رحماني ته د ولسي جرګې د ريیس په توګه د انتخابېدو مبارکي وویله او زیاته یې کړه، ځینې مهال د بحث وړ مسایل د درې واړو قواو ترمنځ پیدا کېږي، خو د خوښۍ ځای دی چې تاسو د طرزالعملونو او داخلي وظایفو د اصولو مطابق خپله ستونزه حل کړه.
د هېواد جمهور ريیس څرګنده کړه، د ولسي جرګې د ريیس او اداري پلاوي د انتخاب پرمهال مې د سترې محکمې په ګډون له ټولو اړوندو ارګانونو څخه وغوښتل چې خپله بې طرفي وساتي.
جمهور ريیس غني په هېواد کې د قانون  جوړولو بهیر ته په پام وویل، د جمهور ريیس او د درې ګونو قواو د ريیس په توګه زما غوښتنه داده چې د قانون جوړولو مسایلو او د حکومت د کړنو څارنه کې خپل کارونه په همغږۍ او تفاهم ترسره کړئ.
د ولسي جرګې ريیس میررحمان رحماني جمهور ريیس څخه په مننې وویل، تاسو د هېواد د درې ګونو قواو د ريیس په توګه د قواو د تفکیک اصل ته درناوی کړی او د ولسي جرګې د ريیس د انتخاب بهیر کې مو له تدبیر څخه کار اخیستی دی.
د ولسي جرګې ريیس ژمنه وکړه، چې د هېواد د درې ګونو قواو ترمنځ همغږي او د اغېزمنتوب اصل ته په پام به د شورا چارې د اساسي قانون په رڼا کې په صمیمي فضا او حکومت سره د همکارۍ په روحیه مخته یوسي. 
هغه همدارنګه زیاته کړه، له دوه نورو قواو سره په تفاهم او همکارۍ به د نظام د پیاوړتیا په لاره کې عملي او اغېزمن ګامونه واخلي.ختم\جهان يار

کابل/باختر/ د چنګاښ ۲۳ مه
درې پاکستاني وسله وال طالبان په روزګان کې د پوځيانو په بريد کې ووژل شول.
په دغو وسله والو طالبانو  تېره شپه د روزګان د مرکز  ترينکوټ  ښار په شمال  کې         بريد شوى دى.
د هېواد په جنوب کې د ملي اردو يوه جګپوړي قوماندان د باخترآژانس خبريال ته وويل، د پوځيانو په  بريد کې  درې پاکستاني وسله وال  طالبان  وژل شوي  او  دوه نوريې ټپيان شوي دي .
هغه وويل چې دغو وسله والو طالبانو پلان درلود څو په روزګان کې په يوې امنيتې پوستې د بريد پلان طرحه کړي.
پاى \ذ \

 

_ کابل/باختر/ د چنګاښ ۲۳ مه
اته وسله وال ډاراچوونکي کونړ کې په  هوايي بريد کې ووژل  شول.
په دغو وسله والو ډاراچوونکو تېره شپه په ماڼوګي ولسوالۍ کې هغه وخت بريد وشو  چې په خپل پټنځي کې د ماينونو او بمونو په جوړولو بوخت وو.
د هېواد په ختيځ کې د ملي اردو يوه جګپوړي قوماندان د باخترآژانس خبريال ته وويل، په ترسره شوي هوايي بريد کې د دوو پاکستانيو  جګړه مارانو په  ګډون اته  ډاراچوونکي  وژل شوي دي.
سرچينه زياتوي چې په بريد کې د وسله والوطالبانو پټنځى له ټولو جنګي وسايلوسره يې له منځه وړل شوى دى.
پاى \ذ \

کابل/باختر/ د چنګاښ ۲۳ مه
د ورزش زيات مينه وال په دې بارو دي چې د کرکټ په ملي ټيم کې د بدلونونو له امله رامنځته شوى بحران به، لرې شي.
د باختراژانس د خبريال د خبرله مخې، په دې کې د ترديد هيڅ ځاى شتون نه لري  چې په افغانستان کې کرکټ په ډير لږ عمر کې  زيات مينه وال لري .
په نړيوالو سياليو کې د هېواد د کرکټ د ملي ټيم کمزورې پايلې له زياتو غبرګونونو سره مخامخ شوې دي، خو په دې کار کې هيڅکله دې ته فکر نه دى شوى چې د هېواد د کرکټ ملي ټيم د څو لسيزو لاره په څو کلونوکې وهلې او د نړۍ د ډېرو غوره لوبډلو په کتار کې يې ځاى نيولى دى .
د ورزش مينه وال حق لري چې خپل نظر څرګند کړي،  کمزورتياو ته ګوټه ونيسي،  د کمزورتيا لاملونه او انګيزې  وپيژنې، څو د هېواد د کرکټ بورډ مشرتابه  په دقيقې څيړنې سره هغه څه چې د هېواد د کرکټ په ملي لوبډله کې د بحران سبب شوى دى ويې څېړي .
په پنځوس اوريزو سياليو کې د ملي ټيم  د مشر په توګه د راشد خان ارمان  له ټاکنې وروسته اوس دغه څرګندونې  قوت موندلى دى چې د هېواد د کرکټ ملي ټيم بيا ځلېږي، په نيمګړتياو بريالي کېږي  او د وياړنو راوړنو ته  دوام ورکوي .
  ختم_ ج _ اکرم

 

کابل/باختر/ د چنګاښ ۲۳ مه
د پنجشیر د عامې روغتیا ریاست د نشه يي توکو پرخلاف د مبارزې اوونۍ نن د دغه ولایت په مرکزبازارک کې ونمانځله.
د باختراژانس د سیمه يیز خبریال د خبرله مخې،د پنجشیر د والي مرستیال محمد امین صدیقي غونډې ته په وينا کې نشه يي توکي یوه ناوړه پديده وبلله او ويي ویل چې په نشه يی توکي روږدیدل په کورنۍ او ټولنه کې د انسان د شخصیت د له منځه وړلوسبب کېږي او له جسمي لحاظه هم انسان ته زیان رسوي .
هغه له امنیتي بنسټونواو د دین له عالمانوڅخه وغوښتل چې د يادې پدیدې د له منځه وړلو په خاطر له هيڅ ډول همکاريوڅخه ډډه ونه کړي .
په همدې حال کې د پنجشیر د عامې روغتیا رییس ډاکترشیردل دانش وویل، چې د دغه ولایت د عامې روغتیا ریاست تراوسه پورې د پنجشیر او نور ولايتونو لسګونه روږدي کسان د پنجشیر د معتادینو په شل بستریز روغتنون کې تداوي کړي دي.
ختم ع

کابل/باختر/ د چنګاښ ۲۳ مه
د پروان په غوربند دره کې پرون د طالبانوپه سنګرونو د ناټو په هوایي برید کې دوه وسله وال طالبان ووژل شول او دوه نوریې ټپیان شول.
د پروان د والي ویاند وحید شهکارباختراژانس ته وویل: په بريد کې د سیاه ګرد ولسوالۍ لپاره د طالبانو د نومول شوي مرستیال په ګډون دوه وسله وال طالبان وژل شوي او دوه نوريې ټپیان شوي دي .
ختم - ع

 

کابل/باختر/ د چنګاښ ۲۳ مه
پنځلس وسله وال طالبان تېره شپه په غزني کې ووژل شول.
د غزني د والي ویاند محمد عارف نوري باختراژانس ته وویل، چې دغه وسله وال طالبان د پوځیانو په غلچکي بريد او عملیاتو کې د دغه ولایت د ده یک ولسوالۍ د تاسنګ او رامک په کلیوکې وژل شوي دي.
نوري زیاته کړه چې په پېښوکې شپږنورطالبان ټپیان شوي هم دي.
ختم _ ع

 

Page 6 of 7880