21 March 2019

RSS Facebook

سوداگریز


تازه خبرونه

 دجمهور رييس پيغام

دجمهور رييس پيغام

-کابل باختر د وري لومړي : دنوي کال په مناسبت...

Youtube Player

khantry design

سوداگریز

سوداگریز

کابل باختر د کب اته ويشتمه :
دبغلان پوليسو نهه تنه  دوسلو دقاچاقو په تور ونيول .
دبغلان ولايت  دامنيې قوماندانۍ دنشه يي توکو پرخلاف دمبارزې مدير  شاه محمود پويا باختراژانس ته وويل چې دغه کسان غوښتل دوه کلاشينکوفونه ديو مسافر وړونکي موټر په واسطه  کابل ته وليږدوي چې دپلخمري دشمرق  کمربند دپلټنې په سيمه کې وپيژندل شول او ونيول شول .
خبرځاى زياته کړه دغه کسان امنيې قوماندانۍ ته سپارل شوي دي .
  ختم_   عطاالله _اکرم

کابل باختر د کب اته ويشتمه :
څلور تنه تيره شپه په جوزجان ولايت کې ددووکرولا موټرونو دغلاکولو په تور دپوليسو له خوا ونيول شول .
دجوزجان ولايت دامنيې قوماندانۍ دمطبوعاتي دفتر مسوول  باختراژانس ته وويل چې دغه کسان له غلاکړى شويو موټرونوسره ددغه ولايت  په اقچه ولسوالۍ کې ونيول شول .
موټرونه خاوندانو ته يې وسپارل شول او دپيښې  عاملين تر څارنې لاندې دي .
  ختم- عطاالله _ اکرم

کابل باختر د کب اته ويشتمه :
دبغلان پوليسو  دوه تنه پرون دوژنې په تور ونيول .
دبغلان دامنيې قوماندانۍ وياند احمد جاويد بشارت  باختراژانس ته وويل : دوه تنه  چې يو يې په پلخمري ښار کې خپله ميرمن اوبل يې يو نارينه يې  په نهرين  ولسوالۍ کې  وژلي و د بغلان دپوليسو له خوا ونيول شول
ده زياته کړه چې دپوليسو څيړنې په دې باب  پيل شوې دي .
  ختم_ عطاالله_ اکرم

 

کابل باختر د کب اته ويشتمه :
داطلاعاتو اوفرهنګ وزارت دخپرونو دچارو معين  فاضل سانچارکي  ددغه وزارت  له يوشمير سلاکارانو او رييسانو سره دهېواد دمشهور ليکوال ، ژورناليست او تاريخ ليکوونکي استاد عبدالحميد مبارز او دهلمند ولايت دسيمه ئيز خبريال نثار احمد احمدي دپوښتنې لپاره نن  دشهيد سردار محمد داود خان  روغتون ته لاړ .
فاضل سانچارکي دعبدالحميدمبارز  دپوښتنې په وخت کې  هغه يې دافغانستان دتاريخ حافظه او دورځپاڼه ليکنې  دبرخې  له مخکښانو څخه وباله .په همدې حال کې نشراتي معين  داطلاعاتو اوفرهنګ وزارت له همکارانو سره  دهلمند ولايت  دسيمه ئيز خبريال نثار احمد احمدي پوښتنې ته چې په دې وروستيو وختو کې په لښکرګاه ښار کې دده په موټر کې دځاى پرځاى شوي ماين دچاودنې په نتيجه کې ټپي شو  پوښتنه وکړه .
استاد عبدالحميدمبارز دناروغى له امله  له يوې مودې راپديخوا دشهيد سردار محمد داود خان په روغتون کې تر درملنې لاندې دى . او دموظفو ډاکترانو دمعلوماتو له مخې ،  دده روغتيايي حالت  اوس ښه شوى دى .
دخپرونو دچارو معين  دهلمند  دسيمه ئيز خبريال نثار احمد احمدي سره په کتنه کې وويل  چې د ازادى دښمنان  په کمين کې دي او په بې رحمانه ډول په خبريالانو بريدونه کوي .
فاضل سانچارکي دغو ناروغانوته  د  روغتيا اوسلامتيا  هيله څرګنده کړه او ويې ويل چې  ددغه رسانه يي فعالانو په راستنيدو سره به  دافغانستان دمطبوعاتو دکورنى روحيه به واخلي او دانساني ارزښتونو دتحقق په لاره کې به خپلو مبارزو ته په قوي ډول دوام ورکړي .
  ختم_ ج _ اکرم

کابل باختر د کب اته ويشتمه :
په هلمند ولايت کې تيره شپه  دهوايي بريد په نتيجه کې پنځه تنه وسله وال طالبان ووژل شول .
  دهلمند ولايت  دامنيې قوماندانۍ  وياند محمدزمان همدرد  باختراژانس ته وويل په هغه هوايي بريد کې چې دهلمند ولايت دکجکي  او دنهر سراج دولسواليو په مربوطاتو کې په وسله والو طالبانو ترسره شول  پنځه تنه وسله وال طالبان ووژل شول .
همدرد زياته کړه چې په دې بريد کې  يوشمير نور وسله وال طالبان ټپيان شول .او د هغوى  دوه موټرسايکلونه ، او يوشمير جنګي وسايل  له منځه وړل شوي دي  اويوشمير نور جنګي وسايل  يې ترلاسه شوي دي .
  ختم_ ج _ اکرم

کابل باختر د کب اته ويشتمه :
دازادى مطبعو دتصدى عالي شورا نن  داطلاعاتو اوفرهنګ وزارت دسرپرستې  حسينې ساپۍ په مشرۍ  غونډه وکړه .
  دباختراژانس دخبريال دخبرله مخې ،  په دې غونډه کې  دازادى  مطبعو دنوي لمريز کال  د تشکيل  ، ددغې تصدى دمالي پروګرام ، دازادي مطبعو  دملکيت  دپنځه پوړيزې  ودانۍ  دخونو دتشولو ، ددغې ودانۍ دنهه څلويښتو خونو  دکرايې دورکولو او په  نوي لمريز کال کې  ددغه بنسټ داړتيا وړ داومه توکو دبرابرولو  په باب  خبرې اترې وشوې .
ددغې غونډې په پيل کې  دازادى مطبعو لوى رييس  ضيا بوميا داجندا په باب  هراړخيزې خبرې وکړې  .
داطلاعاتو اوفرهنګ وزارت سرپرستې  په لنډو خبرو کې وويل  چې اساسي هدف  له اړوندوبنسټونوسره  دتفاهم له لارې  دستونزو حل کول دي.  له شک پرته  دستونزو څيړنه به دازادى مطبعو د عوايدو دزياتوالي سبب شي .
ده وويل  چې دازادى له مطبعو څخه  پوړولي  بنسټونودې بايد خپل پورونه ورکړي .
په دې غونډه کې دماليې او اقتصاد دوزارتونو استازو هم  ګډون کړي و .
  ختم_ ج _اکرم

کابل باختر د کب اته ويشتمه :
داطلاعاتو اوفرهنګ وزارت  دنوي هجري لمريز کال  په مناسبت  ټولو هېوادوالو ته  مبارکي وايي .
  دتاريخ په روايت، لرغوني نوروز په تاريخ کې  درې زره کلنې  جرړې لري . او دطبعيت دژوندي کيدو ، دپيدايښت  هلوځلو او سمسورتيا دجشن دنمانځنې ځاى افغانستان دى .
په افغانستا ن کې دغه ستر جشن دڅانګې وهلو، وزلوبې  ، ملي اټن او دنورو فرهنګي  پروګرامونو په ګډون دبېلابېلو پروګرامونو په ترسره کولو سره نمانځل کېږي .
داطلاعاتو اوفرهنګ وزارت دافغانستان دخلکو ددغه دوديز جشن  دنمانځنې په خاطر دهېواد په مرکز او ولايتونوکې بېلابېل فرهنګي ، هنري او دموسيقۍ  پروګرامونه ترلاس لاندې نيولي دي .
د عکس  دنندارتون  جوړول ، تياتر ، او شب شعر هم په دغو پروګرامونوکې شامل دي .
داطلاعاتواوفرهنګ وزارت مشرتابه  دملي وحدت  دحکومت  له رهبرى څخه چې ددغې تاريخي پيښې دښه نمانځنې په خاطريې ددولتي او غير دولتي بنسټونو  دواکمنواستازو په ګډون يو کميسيون  موظف کړى دى مننه  څرګنده کړه .
يوکال يو نيالګى د ځان لپاره او يونيالګى دافغانستان لپاره په شعار سره تيرشو . او نوي کال دسولې پرمختيا او دولسواکۍ په شعار سره درارسيدو په حال کې دى . هغه کال  چې په وروستيو شيبو کې يو، دافغانستان خلکو ته  په سياسي  ، پوځي ، اقتصادي او فرهنګي برخو کې له برياليتوبونو ډک و . خو چلنجونه هم شتون درلود . ددغو چلنجونو ټولې جرړې په هېواد کې  دامنيت نشتوالي او دجګړې  په دوام پورې مربوط دي .
په هر صورت سوله به  هغه ورځ  دافغانستان  دخلکو په برخه شي  چې دهېواد موجود نظام دهغه  مشري  په غاړه ولري .  زموږ په باور په افغانستان کې دجګړې پاى په سيمه او نړۍ کې به  دسولې سبب شي .
په پاى کې  يو ځل بيا  دطبيعت  دښه راځئ اعتدال اوپاڅون دجشن په مناسبت دهېواد د قلم ، فرهنګ ، هنر او ادب ټولو کارکوونکو او دافغانستان ټول غيور ملت  په تيره بيا دهېواد  ځواکمنوښځو ته  چې د تپل شوې جګړې زيات بار په خپلو اوږو ليږدوي مبارکي وايو .
   هيله لرو چې نوي کال دافغانستان ځوريدلوخلکو ته  دخدمت په خاطر د نوي تړون کال وي .  نوروز مو مبارک  ، هره ورځ مو  نوروز ، نوروز مو پيروز
  ختم_ ج _ اکرم

کابل باختر د کب اته ويشتمه :
په تخار ولايت کې  داوبو لګولو او اوبو رسولو څوارلس پروژې  ګتې اخستنې ته وسپارل شوې .
دباختراژانس دسيمه ئيز خبريال دخبرله مخې ، په دغو پروژو کې داوبو لګولو  کانالونه اوداوبورسولوشبکې  شاملي دي . چې د ددوه سوه څلور پنځوسو مليونوافغانيو په لګښت  په تالقان ښار او دتخار ولايت په بهارک ، کلفګانو ،ورسج او دبنګي  په ولسواليوکې ګټې اخستنې ته سپارل شوي دي
داوبو رسولو دشبکو  په تطبيقولو سره  دڅښاک اوبو ته  دخلکو لاسرسۍ زيات شوي دي .او درې شپيته زره جريبه ځمکه هم خړوبيږي .
  ختم_ ج _ اکرم

کابل باختر د کب اته ويشتمه :
دلوګر ولايت  دافغاني سرې مياشتې دادارې  دځوانانو دروزنيز مرکز دودانۍ  دجوړولو کار پرون پيل شو .
  دباختراژانس دخبريال دخبرله مخې ، ددغې ودانۍ دبنسټ دډبرې  دايښودلو په مراسمو کې دلوګر والي محمد انور خان اسحق زي وويل  چې دغه مرکز په پاخه او اساسي ډول له ټولو ملحقاتو سره يې  په دوو پوړونو کې دنهو مياشتو په موده کې دافغاني سرې مياشتې  ټولنې له بودجې څخه  دشپږ نيمو مليونو افغانيو په لګښت جوړيږي .
ديادونې وړ ده چې په دې مرکز کې به  دانګليسي ژبې او کمپيوتر تر څنګ  دديني او عصري علومو لوست هم  ورکړ شي .
  ختم_ج _ اکرم

کابل باختر د کب اته ويشتمه :
دپروان ولايت داطلاعاتو او فرهنګ رياست دفرهنګ او ګرځندوى نوى آمر پرون  ددغه رياست کارکوونکو ته معرفي شو .
دباختراژانس دخبرله مخې ،  عبدالغفار رووفي چې دازادې سيالۍ له لارې  په دغه پست کې  بريالى شوى دى  دفرهنګ او ګرځندوى دآمر په توګه دخپل معرفي کولو په وخت کې ژمنه وکړه چې دفرهنګي ميراثونو او دتاريخي ابداتو دساتنې او څارنې په لاره کې به  هلې ځلې وکړي .   ختم_ ج _ اکرم

Page 7 of 7511