21 November 2019

RSS Facebook

سوداگریز


تازه خبرونه

د ښځو چارو د وزيرې پيغام

د ښځو چارو د وزيرې پيغام

کابل/ د لړم ٣٠ مه/ باختر د ښځو پر وړاندې د...

د ملي امنیت یو کارکوونکی په نیمروزکې شهید کړای شو

د ملي امنیت یو کارکوونکی په نیمروزکې شهید کړای شو

- کابل/ د لړم ٣٠ مه/ باختر ناپېژاندو وسله والو کسانو...

 د کندز ښار شاوخوا سيمې د طالبانو له شتون څخه پاکې کېږي

د کندز ښار شاوخوا سيمې د طالبانو له شتون څخه پاکې کېږي

کابل/ د لړم ٣٠ مه/ باختر د وسله والو طالبانو له...

Youtube Player

khantry design

سوداگریز

سوداگریز

کابل-  باختر د کب اته ويشتمه :
دملي  اردو دځواکونو دمحاربوي فعاليتونو په بهير کې دوه تنه وسله وال مخالفين ووژل شول دوه تنه ټپيان او څلور تنه نور يې ونيول شول .
دملي دفاع وزارت دويندوى مطبوعاتي دفتر باختراژانس ته خبر ورکړ، دملي اردو دخاصې قطعې منسوبينو دسولې او ثبات دتامينولو په مقصد دلوګر ، قندهار ، او دکندز دولايتونوپه مربوطاتو کې چاڼيزعمليات ترسره کړل چې له امله يې څلور تنه مشکوک  مخالفين ونيول شول .
  دغه راز دوو تنو وسله والو مخالفينو غوښتل چې په خاورو او وينو زموږ دبې ګناه  هيوادوالو دلړلو او لت پت کولو په مقصد دبلخ ولايت دچاربولک ولسوالۍ د وزلوبې په ډګر کې ماين ښخ کړي، هدف ته له رسيدو مخکې دغه ماين وچاوديد چې له امله يې يو ماين ښخوونکي ووژل شو او يوتن بل ټپي شو.
دغه راز يو وسله وال مخالف هغه وخت ووژل شو او يو تن بل ټپي شو چې غوښتل يې يو ماين دميدان وردګو ولايت دجغتو ولسوالۍ په مربوطاتو کې ښخ کړي چې دغه ماين له ټاکلي وخت څخه مخکې په دوى وچاوديد او دغه پيښه رامنځته شوه .
ديوبل خبر له مخې، دکونړ ، خوست او دقندهار د ولايتونو په مربوطاتو کې په سړکونوکې دښخ کړاي شوي ماينونو دچاودنې له امله دملي اردودرې تنه منسوبين اودهلمند ولايت دګرشک ولسوالۍ په مربوطاتو کې په ورته پيښو کې دملي اردو دوه تنه منسوبين ټپيان شول .

کابل -باختر  دکب دمياشتې اته ويشتمه
د هوا پوهنې ادارې په راتلوونکوڅلور ويشتو ساعتوکې د هيواد د ځينوسيمو د هوا حالات د سانتي ګراد په حساب  په دې ډول اټکل کړې دي:
کابل د تودوخې لوړه درجه ١٢، ټيټه ٢اسمان ځاى ځاى وريځ داورښت امکان شته
هرات لوړه ١٩،  ټيټه ٦  آسمان وريځ داورښت امکان شته
جلال آباد لوړه ١٨،  ټيټه ٧ اسمان ځاى ځاى وريځ داورښت امکان شته
قندهار لوړه ٣٠ ټيټه ١٢ آسمان ځاى ځاى وريځ
مزارشريف لوړه  ١٤، ټيټه ١  آسمان وريځ د اورښت امکان شته
کندز لوړه ١٣، ټيټه ٥  آسمان وريځ
غزني لوړه ١١ ، ټيټه ١  آسمان وريځ د اورښت امکان شته
باميان  لوړه ١١ ، ټيټه منفي ٣ آسمان وريځ د اورښت امکان شته
فيض آباد لوړه ١١، ټيټه  ١ آسمان وريځ د اورښت امکان شته
  شمالي سالنګ لوړه منفي٢ ، ټيټه منفي ٧- آسمان وريځ  د اورښت امکان شته
جنوبي سالنګ لوړه منفي ١ ، ټيټه منفي ٥ –  آسمان وريځ  د اورښت امکان شته
  شبرغان لوړه ١٦ ، ټيټه ٦  آسمان وريځ  د اورښت امکان شته
فراه لوړه ٢٥ ټيټه ٨  آسمان وريځ  د اورښت امکان شته
خوست لوړه ١٣، ټيټه ٢  آسمان وريځ  د اورښت امکان شته
ميمنه لوړه  ١٤ ، ټيټه ٢  آسمان وريځ  د اورښت امکان شته
لښکرګاه لوړه ٣١ ، ټيټه ١٤ آسمان ځاى ځاى وريځ 
په کابل کې سبا لمر ٣/ ٦خيژي او د مازيګر په ٢/ ٦ولويږي .

Monday, 18 March 2013 10:39

د اسعارو بيه:

کابل\باختر\دکب د مياشتې اته ويشتمه:
دکابل دشهزاده سراى دصرافانو درييس  دمعلوماتو له مخې، نن له غرمې مخکې دبهرنيو پيسو په مقا بل کې دافغا نۍ ارزښت په دې ډول دى:
يوامريکايي ډالر پيرودل په     53/50  افغانيو پلورل په   53/55افغانيو
يوانګليسى پونډ پيرودل په   79/80افغانيو پلورل په   79/90افغانيو
داماراتو يو درهم پيرودل په 40/ 14 افغانيو پلورپه 45 / 14 افغانيو
يوه يورو  پيرودل په 00 69/ افغانيو پلورل په   69 /10  افغانيو
يوسعودي ريال پيرودل په  00 14/پلورل  14/5 افغانيو
زرهندي کلدارى پيرودل په 980 افغانيو پلورل په 990 افغانيو
زرپاکستاني کلداري پيرودل په  534افغانيو پلورل په  535 افغانيو
زر ايراني تو مان پيرودل په 15/70  افغانيو پلورل په   15/80 افغانيو.

کابل-  باختر د کب اته ويشتمه :
دترکيې داساسي قانون مرستيال ددغه هيواد ديو هيئت په مشرۍ  نن کابل ته راورسيد .
دکابل له نړيوال هوايي ډګر څخه دباختراژانس خبريال  خبرورکړ دترکيې دغه مقام او دده د ملګري هيئت  دسفر هدف  په افغانستان کې داساسي قانون دلاښه تطبيق په اړوند دهمکاري دتفاهم ليک لاسليک کول بلل شوى دى .
هيئت په کابل کې ددرې ورځني استوګنې  په بهير کې دافغانستان داساسي قانون پرتطبيق باندې دڅارنې دخپلواک کميسيون له رييس، قاضي القضات او دعدليې له وزيرسره ګوري .

کابل-  باختر د کب اته ويشتمه :
دطالبانودډلې دوه تنه قوماندانان د بدخشان ولايت په مربوطاتو کې له پوليسوسره  په جګړه کې ووژل شول او اته تنه نور طالبان ټپيان شول .
دکورنيوچارو وزارت مطبوعاتي دفتر باختراژانس ته خبر ورکړ، جګړه دبدخشان ولايت دوردوج  ولسوالۍ په مربوطاتو کې هغه وخت ونښته  چې يوې ډلې وسله والو طالبانو پرې بريد وکړ چې له امله يې دمحمد عظيم اومحمد نذير  په نومونو دوسله والو طالبانو دوه تنه مشهور قوماندانان  ووژل شول او اته تنه نور وسله وال طالبان ټپيان شول .
خبرځاى زياته کړه چې ددغې نښتې په بهير کې  يوه  اندازه سپک او درانده جنګي وسايل هم ترلاسه شوي دي .

کابل-  باختر د کب اته ويشتمه :
دنيمروز ولايت پوليسو تيره شپه څلور تنه دنشه يي توکو دقاچاقو په تور ونيول .
دنيمروز ولايت دامنيې قوماندانۍ له نشه يي توکو سره دمبارزې مدير عصمت الله بلوڅ باختر اژانس ته وويل، څلور تنه کله يې چې غوښتل  ٦٣ کيلوګرامه اپين  او ٢٨ کيلوګرامه هيروئين ددوو کرولا ډوله موټرو په واسطه قاچاق کړي  دخاش ولسوالۍ  په مربوطاتو کې  دپوليسو له خوا ونيول شول .
خبرځاى زياته کړه، دغه نشه  يي توکي له دوو موټرو سره ضبط شوي دي .

Monday, 18 March 2013 10:31

تبصره

کابل-  باختر د کب اته ويشتمه :
افغان مرکزونو ته دبګرام دجيل دمديريت ليږدونه يو حتمي کار دى چې بايد تر يوې اوونۍ پورې عملي شي .
دباختراژانس مبصر ليکي:  دبګرام دجيل دمسووليت ليږدونه يو جنجالي پروګرام  دى چې تراوسه پورې څو ځلي دتوجيه نه منونکو دلايلو له مخې ځنډول شوى دى .
دافغانستا ن دولت چې دهيواد داتباعو دحقوقو په ساتنې او تامينولو مکلف دى او هلې ځلې کوي له هرې ممکنې لارې داکار عملي کړي دبګرام دجيل دمسووليت  دليږدونې څرنګوالي له نړيوالوقوتونو سره دافغانستان  ددولت په اړيکو کې دخبرو وړ يوه مسئله وه .
دافغانستان دولت په خپلو  دغو خبرو ټينګاروکړچې يو شمير کسان دکوم جرم او ګناه پرته بنديان شوي دي اوکه چيرې له دغو بنديانو څخه کوم بندي جرم او يا جنايت کړى دى نو دا دافغانستان دولت دى چې دهغوى حقوقي تکليف وټاکي دبګرام دجيل دمسووليت او مديريت دسپارلو په باب دخنډونو له منځه  وړلو دافغانستان او امريکا ترمنځ  دستراتيژيکي همکاريو دسند دلاسليک  کولو لپاره  لاره له منځه يوړه، خو لکه څنګه چې ژمنه شوې وه ددغه جيل دمسووليت دليږدونې پروګرام عملي نه شو .
کله له بنديانو سره دافغان ساتونکو ناسالم چلند پلمه شوه او کله هم داسې دليل وړاندې کيده چې ګڼې  دبنديانو خلاصون دطالبانو دجبهى دپياوړتيا سبب کيږي او هغه نور دلايل چې دافغانستان دولت هغه دتوجيه وړ نه دي بللي  دبګرام دجيل دبشپړ مسووليت په سپارلو کې څو ځلي  ځنډ  دافغانستان ددولت دمقاماتو سخت غبرګون په ځان پسې لري، دغه غبرګون ددې سبب شو چې دبهرنيو قوتونو مقامات خپل دريځ روښانه کړي .
پرون دامريکا ددفاع وزير چک هيګل  دافغانستان داسلامي جمهوريت له جمهور رييس حامدکرزي سره په تيلفوني خبروکې افغان مرکزونوته د بګرام دجيل دسپارلو په باب خپله ژمنه نوي کړه او ددغه بهير  دعملي تحقق لپاره يې يو ه اوونۍ مهلت وغوښت چې دجمهور رييس کرزي له خوا ومنل شو خو جمهور رييس يادونه وکړه چې دبګرام دجيل دمسووليت  دليږدونې پروګرام دې بايد داځلي  عملي شي .
په هيوادکې سياسي کارپوهان دبګرام دجيل دمسووليت دليږدونې په باب دجمهور رييس دټينګار هرکلۍ کوي او ددغه جيل دمديريت او ادارې ترلاسه کول په هيوادکې دملي واکمنۍڅرګندوى بولى چې دهيواد داتباعو دحقوقو دتامينولو لپاره دافغانستان ددولت دهڅو او هاند نښه ښانه ده .
دغه راز دغه کارپوهان ځينې انديښنې چې ګڼې له محاکمې پرته خوشي شوي بنديان دوسله والو مخالفينو دليکو دپياوړتيا سبب کيږي ،بې ځايه بولى او وايي چې په افغانستان کې عدلي او قضايي  مرکزونه فعال دي او دبنديانو دوسيې به دافغانستان دقوانينو په رڼاکې وڅيړل شي، هغه کسان به چې بې ګناه وي او دشخصي غرضونو او دناموجهو دلايلو له مخې جيل ته ټيل وهل شوي دي  ازاد شي او هغه کسان چې جرم او جنايت يې کړى دى له شک پرته به دخپلو عملونو سزا وويني، نو بايد دبګرام دجيل دمسووليت او ادارې د نه سپارلو په نسبت انديښنه  ونه لرو او پلمې  ونه لټوو .

کابل-  باختر د کب اته ويشتمه :
دطالبانو دډلې يو قوماندان نن دبهرنيو ځواکونو له خوا په ننګرهار ولايت کې ووژل شو .
دشمشاد د٢٠٢ساحوي زون دقوماندانۍ مطبوعاتي دفتر باختراژانس ته خبر ورکړ، دائتلاف ځواکونو دننګرهار ولايت دخوږيانيو ولسوالۍ دمملې په ساحه کې  عمليات ترسره کړل چې له امله يې د مولوى عزت الله په نامه دطالبانو د ډلې يو قوماندان ووژل شو .   

کابل-  باختر د کب اته ويشتمه :
دلغمان ولايت دامنيې قوماندانۍ دپوليسو منسوبينو پرون په دغه ولايت کې ديوې تروريستي پيښې مخه ونيوله .
دشمشاد د٢٠٢ ساحوي زون دقوماندانۍ مطبوعاتي دفتر باختراژانس ته خبر ورکړ،  وسله والو طالبانو يوه اندازه چاوديدونکي توکي په يوه پلاستيکي بوشکه کې ځاى پرځاى  کړي وو او ددغه ولايت دقرغيو ولسوالۍ په زرقلعه  ساحه کې يې ښخ کړي وو چې دپوليسو له خوا کشف او شنډ کړي شول چې ديوې تروريستي پيښې  مخه ونيول شوه .

کابل\  باختردکب  دمياشتې  ٢٧ :
دبدخشان ولايت امنيتي حالات نن د مشرانو جرګې درييس  فضل الهادي مسلميار، ددغې جرګې  د اداري هيئت او دبدخشان ولايت د سناتورانو له خوا د ملي دفاغ  له وزير، د ملي امنيت له سرپرست او دکورنيو چارو وزارت له امنيتي چارو له ستر معين  سره وڅيړل شول.
دمشرانو جرګې مطبوعاتي دفتر باختراژانس ته خبرورکړ: دبدخشان سناتورانو  دجرم ، وردوج ، بهارک، شهدا او ديمګان په ولسواليو کې دناامنيو دپراختيا او د دولت  دوسله والو مخالفينو دنفوذ  په باب معلومات ورکړل  چې له  امله يې ددغو ولسواليو يوشمير اوسيدونکي بې ځايه  شوي دي؛ دوى څرگنده کړه چې ددغه ولايت ديوشمير وکيلانو  اوسياسي کړيو مخالفتونه نااواره ځمکه او دسيمه ييزې ادارې نه همغږۍ د دې سبب شوي دي چې په دغه ولايت کې جګړه اوناامني پراختيا ومومي.
وروسته دملي دفاع وزير دبدخشان ولايت دامنيتي حالت په باب معلومات ورکړل او ويي ويل چې په دې باب يولړ اقدامات شوي دي اويوشمير  بې ځايه شوي کسان بيرته خپلو اصلي ټاټوبو ته ستانه شوي دي اوهلې ځلې دوام لري چې ددغو ولسواليو امنيتي حالت بيرته عادي شي اوسبا به دجمهوري رياست  له لومړي مرستيال سره دغونډې  په بهيرکې  دحل لارې  چارې ولټول شي .
دغه راز دمشرانو  جرګې رييس فضل الهادي مسلميار  د ارزګان ولايت دګيزاب ولسوالۍ ديوشمير مشرانو  سيمه ييزې ستونزې هم واوريدې.
په دې کتنه  کې قوماندان سام ګل دنورو په استازيتوب  دخپلو سيمه ييزو ستونزو دوړاندې کولو په ترڅ کې  په دوو جلاجلا ادارې واحدونو ددغې ولسوالۍ  دويشلو په باب دجمهوري رياست  د حکم  دنه تطًبيق يادونه وکړه او ويې چې دهغه له مخې،  ددغي ولسوالۍ   شمالي برخه  دپاتو دولسوالۍ په نامه په دايکندي  ولايت پورې  اړوند  اوجنوبي  ساحه يې  دچوني ولسوالۍ په نامه په ارزګان ولايت پورې اړوند شي خو تراوسه پورې  دسيمه ييزو ارګانونو ادارې په  دې باب عملي اقدام نه دي کړي.
دمشرانو جرګې رييس د دوى دستونزو له اوريدو وروسته وويل  چې دغه  موضوع به له اړوندو ارګانونو سره طرحه کړي او دحل لاري  چاري به يي ولټوي.
دغه راز دمشرانو جرګي  لومړي نايب  محمدعلم  ايزديار   نن د چارو داداري  اودوزيرانو شورا د دارلانشا  له سترسلاکار حبيب الله  اصغري  سره وکتل.
په دي کتنه کي  چې يوشمير  سناتورانو اودمشرانو جرګي  ددارلانشا  لوي رييس هم  برخه لره  حبيب الله اصغري  دسنامجلس  دلومړي  نايب په توګه دمحمدعلم ايزديار  دبياټاکني له  امله ده ته مبارکي وويله  او څرگنده  يي کړه چې  دسنامجلس له خپلو نظارتي واکونو څخه په استفادي سره تل دقانون جوړولو اودخلکو  داستازيتوپ په لاره کي خپل مسووليتونه په ښه توګه ترسره کړي دي.