16 July 2019

RSS Facebook

سوداگریز


تازه خبرونه

٢٥ وسله وال طالبان په بغلان کې ووژل شول

٢٥ وسله وال طالبان په بغلان کې ووژل شول

کابل / باختر/ د چنګاښ٢٥ مه ٢٥ وسله وال طالبان تېره...

سور صليب د څرخي پله د جېل روغتون سمبالوي

سور صليب د څرخي پله د جېل روغتون سمبالوي

کابل / باختر/ د چنګاښ٢٥ مه د سره صليب استازي نن...

 په کابل کې د ډار اچونې په تور دوه  کسان ونيول شول

په کابل کې د ډار اچونې په تور دوه کسان ونيول شول

کابل / باختر/ د چنګاښ٢٥ مه د ملي پوليسو د...

Youtube Player

khantry design

سوداگریز

سوداگریز

کابل/ باختر/ د چنګاښ ٢٣ مه
د وسله والو طالبانو له شتون څخه د خنجانو ولسوالۍ د (وليانو درې) د پاکولو عمليات نن پيل شول.
د خنجانو ولسوال صديق بهمن باختر آژانس ته وويل چې د دغو عملياتو موخه د دوشي– خنجانو لويې لارې په تګلوري کې د وسله والو طالبانو د فعاليتونو بندول او د وليانو درې د دوب آب له کلي څخه د طالبانو شړل دي.
وليان دره وروستۍ سيمه ده چې عمليات پکې ترسره کېږي.
د ٢١٧ پامير قول اردو د عامه نظم د درېمې لوا قوماندان ډګروال عباس قاطع وويل 
چې د دغو عملياتو په پيل کې د سبزک وليان په کلي او ګاونډيو کليوکې د دښمن درې
ټينګ سنګرونه ويجاړ شوي او دښمن د مقاومت په لاسه ورکولو سره تښتېدلي دي.
ويل کېږي د طالبانوڅو جنګې وسايل د جګړې په ډګرکې پاتې دي.
دغه عمليات د وسله والو طالبانو له شتون څخه د خنجانو ولسوالۍ تربشپړ پاکولو          پورې دوام کوي.
پاى \ ج\ ذ

 

کابل/ باختر/ د چنګاښ ٢٣ مه :  
د لويې څارنوالۍ ادارې نن د ښځو پرخلاف له تاوتريخوالي سره د مبارزې بنسټونو  د همغږۍ کنفرانس په کابل کې جوړ کړ.
د باختر آژانس خبريال د خبرله مخې: د افغانستان د اسلامي جمهوريت  لوى څارنوال
څارنپوه فريد حميدي د کنفرانس د کار په پيل کې د سلا مشورې او  ګډ کار د ارزښت په باب خبرې وکړې او ويې ويل: جلا کار موږ هدف ته نه رسوي، نو له همدې امله  د لويې څارنوالۍ ادارې د اړوندو بنسټونو د همغږۍ کنفرانس جوړ کړ چې دهغو بېلابېلو بنسټونو ترمنځ چې د کورنۍ د حقوقو د ټينګښت او د هغوى د ملاتړ او عدالت د پراختيا لپاره کار کوي؛ همغږي رامنحته کړي.
حميدي هيله څرګنده چې د افکارو په تبادلې او د نظريو په راټولولو سره کولاى شي د ښځو پرخلاف له تاوتريخوالي سره د مبارزې په لاره کې د حل اغېزمنې لارې      پيدا کړي.
د جمهوري رياست دويم مرستيال قانونپوه سرور دانش هم د تاوتريخوالي د عواملو په
باب خبرې وکړې او ويې ويل: ښځې د ټولنې نيمايي تشکيلوي او که چېرې نيم وګړي
له ښې ژوندانه څخه برخمن نه وي؛ ټولنه ناروغه او فلج ده. هغه د تېرو کلونو په نسبت د تاوتريخوالي د شمېر زياتوالى خطر ناک وباله .
دانش زياته کړه: سره له دې چې د تاوتريخوالي عوامل زيات دي او د اقتصادي، فرهنګي، ټولنيزو، د پوهاوي د ټېټې کچې او د ناوړو دودونو په مسئلو نه شو کولاى         سترګې پټې کړو، خو د حکومت د مسوول شخص په توګه نه شو کولاى عدالت او  امنيت ته د ښځو په نه لاسرسي سترکې پټې کړو.
د ښځو چارو وزيرې دلبر نظري د دغو بنسټونو د ګډ کار د ګټو په اړوند خبرې وکړې   او ويې ويل: د ښځو چارو وزارت د اړوندو بنسټونو د منظم کار د پرمخ بيولو لپاره يو ګډ ډېټابېس  جوړ کړى دى چې دغه بنسټونه کارونه په همغږۍ سره پرمخ يوسي.
ټاکل شوې ده چې په دغه څلور ورځني کنفرانس کې د هېواد له ګوټ ګوټ څخه له تاوتريخوالي سره د مبارزې څارنوالان د هغو ملي او نړيوالو بنسټونو له استازو سره  چې د ښځو پرخلاف د تاوتريخوالي د پاى ته رسولو په موخه کار کوي؛ خپلې نظريې او تجربې سره شريکې کړي.   
پاى \ ج\ ذ

کابل / باختر/ د چنګاښ٢٣ مه
مرکزي بانک ٣۰ ميليونه ډالره د ليلام په ډول پلوري.
د دغه بانک په ليک کې چې باختر آژانس ته استول شوى دى؛ ويل شوي دي:                د افغانستان بانک د روان کال د چنګاښ په ٢٤مه د دوشنبې په ورځ، ۳۰ ميليونه ډالره د ليلام په ډول پلوري.
په شرايطو برابرهغوصرافانواوتجارتي بانکونوته چې پخوا يې يو ميليون او ۵۰۰ زره افغانۍ د تضمين په ډول دافغانستان بانک د بازار د عملياتو په لوى مديريت کې تحويل کړې دي؛ بلنه ورکول کيږي چې په دغو داوطلبيوکې ګډون وکړي او د داوطلبۍ ګټونکي مکلفيت لري چې خپل حسابونه د ورځې تر پايه پورې تصفيه کړي.
هغه صرافان چې تر اوسه پورې يو ميليونو ۵۰۰ زره افغانۍ په داوطلبۍ کې د ګډون په مقصد د تضمین په ډول نه دي تحويل کړي؛ کولاى شي له داوطلبي څخه يوه ورځ مخکې دخپل تضمين پيسې تحويلې اوپه راتلونکو داوطلبیو کې دې ګډون وکړي.
د يادونې وړ ده چې د معاملــو قسمي تر سره کول مجاز نه  دى، د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.
يادونه: مزايده کوونکي نه شي کولاى له ټولو اعلام شويو پيسو څخه په سلوکې له درېيو زياتې پيسې وغواړي.
پاى \سعيده


 

قلات\باختر\ د چنګاښ ٢٣ مه
په دایکنډي کې نن په سلوکورنيوخوراکي توکي ووېشل شول .
د دایکنډي له طبعي پېښو سره د مبارزې رییس انجینراسد سروري د باختراژانس خبریال ته وویل، چې په دغوتوکو کې وریجې، غوړي، بوره او لوبیا شامل دي چې په بې ځايه شویوکورنیو ووېشل شول.
ختم – ع

قلات\باختر\ د چنګاښ ٢٣ مه
په لوګرکې تېره شپه د ایتلاف د هوايي قواو په برید کې لس وسله وال طالبان ووژل شول.
د ۲۰۳ تندرقول اردو د څلورمې لوا د مطبوعاتو د دفتر مسوول احمد شکیل تسل د باختراژانس سیمه يیزخبریال ته وویل، چې دغه وسله وال طالبان د لوګر په مرکز چوني سیمه کې په هوايي برید کې وژل شوي دي .
هغه زیاته کړه، چې په وژل شویوکسانوکې د طالبانو مهم غړي هم شامل دي.
د يادونې وړ ده چې دوه روځې مخکې هم په ازرې ولسوالۍ کې د طالبانو پر مرکزونو په هوايي برید کې طالبانو ته د سرزیات زیانونه اوښتې وو. ختم ع

قلات\باختر\ د چنګاښ ٢٣ مه
د پکتیا د ناکو بڼونه د پراختیا په حال کې دي .
دوه کاله مخکې د کرنې د کار پوهانو له څېړنې ښکاره شوه چې د پکتیا  اب او هوا د ناکو د تولید لپاره برابره ده له هغه وروسته په دغه ولایت کې د نمونې په توګه بڼونه جوړ شول.
له دوو کلونو وروسته دغه بڼونه ثمر ته رسیدلي او سږکال له خوندورو ناکو ډک شوي دي .
د کرنې وزارت یو مقام د باختر اژانس خبریال ته وویل، چې دوی هڅه کوي څو په پکتیا کې د ناکو بڼونو ته پراختیا ورکړي .
هغه وویل: دوی په پام کې لري چې په راتلونکي کال کې د پکتیا په شاوخوا سیمو کې د ناکو نوي بڼونه جوړ کړي.
په دې سره بڼوالو هم ښه حاصل ته په پاملرنې سره په پکتیا کې د ناکو د زیاتو بڼونو جوړولو ته مخه کړې ده.
عبدالغفار یو بڼوال دی، دی وایي: ورور یې دوه کاله مخکې د کرنې وزارت په مرسته د ناکو نیالګي د بڼ په یوه برخه کې کینول او اوس دغه نیالګي په سترو ونو بدل شوي دي.
دغه بڼوال وایي چې راتلونکي کال لپاره په پام کې لري چې د ناکو درې بڼونه جوړ کړي څو ډیره ګټه وکړي .
د پکتیا  مېوې د هېواد داخلي او بهرنیو بازارونو ته صادرېږی .
ټاکل شوې ده، د پکتیا ناک هم دغو بازارونو ته صادر شي
.سعیده

قلات\باختر\ د چنګاښ ٢٣ مه
د نشه یی توکو یو پلورونکی پرون د کابل ښار د دویمې ناحیې په مربوطاتو کې ونیول شو.
د کابل د امنیه قوماندانۍ ویاند فردوس فرامرز باختر آژانس ته وویل : دغه سړی چې په پرچون ډول یی نشه یي توکي پلورل د کابل ښارد دویمې ناحیې د دهن باغ په سيمه کې نيول شوى دى.
سرچينه زياتوي چې د نيول شوي کس له موټر څخه يوه اندازه چرس او هېرویین تر لاسه شوي دي. پای\خروټې

_ قلات\باختر\ د چنګاښ ٢٣ مه
پولیسو د کابل ښار د دولسمې ناحیې په مربوطاتو کې دری کسان د یو سوداګر د وژلو په ونیول.
د کابل د امنیه قوماندانۍ ویاند فردوس فرامرز باختر آژانس ته وویل: ملي سوداګر حاجی شېر داوود چې د چنګاښ په ۱۶ د کابل ښار په دولسمه ناحیه کې وژل شوى و،پولیس يې د قتل په تور ورور، موټر چلوونکی او یو بل کس نيولي دي.
پای\خروټې

_ قلات\باختر\ د چنګاښ ٢٣ مه
د کندز لپاره د وسله والو طالبانو د نومول شوي والي د مرستيال په ګډون پنځه ويشت طالبان ووژل شول او اتلس نوريې سخت ټپيان شول.
د ځانګړو عملیاتو د قول اردو مطبوعاتي مسوول باختر آژانس ته وویل، چې دغه طالبان د پو ځیانو په عملیاتو کې چې د کندز د امام صاحب ولسوالۍ په قرغان تیپې کلي کې د هوایي ځواکونو په ملاتړ شوي، ووژل شول.پاى\خروټې

 

 

قلات\باختر\ د چنګاښ ٢٣ مه
د طالبانو یو قوماندان نن په تخار کې په  ښځینه جامو کې ونیول شو.
د۲۰۹ شاهین قول اردو ویاند محمد حنیف رضایي باختر آژانس ته وویل، چې دغه قوماندان په ښځینه جامو کې د تېښتې پر مهال نيول شوى دى.
تر اوسه پورې د نیول شوي قومانوان د نوم او سیمې په باب معلومات نه دي ترلاسه شوي. پای\خروټې

Page 9 of 7885