15 August 2020

RSS Facebook

سوداگریز


تازه خبرونه

بايرن مونيخ بارسلونا ته ماتې ورکړه

بايرن مونيخ بارسلونا ته ماتې ورکړه

-کابل/ دزمري ٢٥مه /باختر: د اسپانيا د بارسلونا د فوټبال ټيم...

پنځه پوځيان  په دايکنډي کې شهيدان شول

پنځه پوځيان په دايکنډي کې شهيدان شول

-کابل/ دزمري ٢٥مه /باختر: پنځه پوځيان تېره شپه په دايکنډي...

Youtube Player

khantry design

سوداگریز

سوداگریز

-کابل / دزمري ٢٢مه / باختر:
د دايکنډي  په پاتوي ولسوالۍ کې نن د يوې سړې خونې د بنسټ ډبره کېښودل شوه .
د دايکنډي دکرنې اوبولګولواومالدارۍ رييس سيدوحيد فيروزي  د باختراژانس خبريال ته وويل چې دغه سړه خونه  د سيمې د شورا له خوا د څه د پاسه  دوو مليونو افغانيو په لګښت  په پاخه او اساسي ډول جوړېږي.
فيروزي زياته کړه چې دغه سړه خونه  د پنځه ويشت ټنو ميوو د ساتنې ظرفيت لري .    ختم_ ج _اکرم 

-کابل / دزمري ٢٢مه / باختر:
د ښځو پرخلاف د تاوتريخوالي د علتونو د موندلو په خاطر د تحقيق د ترسره کولو په اړوند د همغږى غونډه نن د ښځو دچارو وزارت  د پاليسۍ اومسلکي معينې  په مشرۍ جوړه شوه .
د باختراژانس د خبرله مخې ؛ په دې غونډه کې سپوږمۍ وردګ وويل څرنګه چې  د ښځو پرخلاف  تاوتريخوالي يوه ټولنيزه  ستونزه ده  د تحقيق او څېړنې هدف او حالت  دا دى  چې د ښځو پرخلاف د تاوتريخوالي عوامل ولټول شي  او د هغه له مخې جوړښتونه عيار اويا بدلون ومومي .
دغه راز په دې غونډه کې  د همکارو بنسټونو استازو په وار سره په خپلو خبرو کې  ژمنه وکړه  چې په ټولو امکاناتو اود منابعو په برابرولوسره  چمتودي. چې  د دغه تحقيق  د ترسره کولو لپاره د ښځو چارو له وزارت سره  هر راز همکار دي
په دې غونډه کې ټينګار وشو چې ښکيل بنسټونه  د دغه تحقيق د عملي کولوپه برخه کې  د ښځو چارو له وزارت سره  ژمن ليک لاسليک کړي .  ختم_ج _اکرم

-کابل / دزمري ٢٠مه / باختر :
د ښار جوړولواو اراضي وزارت  ١٦٤ زره ٢٥٥  جريبه  دولتي ځمکه او عامه ملکيتونه چې د دولتي ادارو تر استفادې لاندې دي په بادعيس کې ثبت کړى دى  .
د باختراژانس د خبرله مخې؛ د دغه شمېر له جملې څخه  ١٦٣٢٦٨جريبه سپينه دولتي ځمکه او نور ٩٨٧ جريبه  عامه ملکيتونه دي  چې د دولتي ادارو تر استفادې لاندې دي .
د ښار جوړولواواراضي وزارت تراوسه پورې  په هېواد کې څه ناڅه شپږ مليونه جريبه دولتي ځمکه ثبت کړې ده . او هوډمن دى چې د دولتي ځمکو په ثبتولو او له هغو څخه په ګټې اخستنې سره په هېواد کې  د ټولګټو پروژو  د تحقق لپاره زمينه برابره شي .
  ختم_ج –اکرم

-کابل / د زمري ٢٢مه / باختر
په تېرو شپږو مياشتو کې د نيمروز په مرکز زرنج ښار کې په نشه يي توکو ٩٠٠ روږدي کسان راټول کړاى شول چې يوشمېر يې له درملنې روغ شوي دي.
د نيمروز د عامې روغتيا رييس باختر آژانس ته وويل چې د زرنج  ښار په کچه  د روږدو کسانو راټولول شپږمياشتې  مخکې پيل شوي دي او په مرکز کې ٩٠٠ روږدي کسان تر درملنې لاندې نيول شوي چې ٥٤١ تنه يې له درملنې وروسته له خپلوکورنيو سره يوځاي شوي دي .  ختم _ شکريه _اکرم

-کابل / د زمري ٢٢مه / باختر
په ايبکوښار کې تېره شپه د طالبانو بريد شنډ کړاى شو.
د ٢٠٩ شاهين قول اردو وياند باختر آژانس ته وويل چې وسله والو طالبانو غوښتل يې د ايبکوښار په ګل قشلاق سيمه کې  د پوځيانو پر يوې پوستې بريد وکړي، امنيتي ځواکونه  له بريد مخکې هغوى  تيښتې ته اړ کړل.
خبرځاي زياته کړه چې په پېښه کې يو وسله وال طالب ووژل شو او دوه نور يې ټپيان شول.
ويل کېږي په جګړه کې د دښمن دوه کلاشينکوفونه، يو موټرسايکل او جنګي وسايل د پوليسو لاس ته ورغلي دي . ختم_شکريه –اکرم

-کابل / د زمري ٢٢مه / باختر
د ننګرهار په مرکز جلال آښار کې پرون د ښځو پر وړاندې د تاوتريخوالي د بندولو  په خاطر د خلکو د پوهاوي ورکولو کمپاين پيل شو.
د ننګرهار د ښځو چارو رياست باختر آژانس ته خبر ورکړ چې د دغه کمپاين موخه د کم عمره نجونو د ودونو مخنيوى دى چې په جلال آباد ښار او د دغه ولايت په  ١٣ولسواليو کې په دې باب خلکو ته به پوهاوى ورکړ شي.
  ختم_شکريه_اکرم

-کابل / د زمري ٢٢مه / باختر
د سولې لپاره د ځوانانو ملي اجماع نن د هېواد له ګوټ ګوټ څخه  د ځوانانو په فعال ګډون سره جوړه شوه.
د باختر آژانس د خبرله مخې؛ په دې اجماع کې په هېوادکې دايمي سولې ته د رسېدو لپاره د ځوانانو د ستونزو، غوښتنو او وړانديزونو او له طالبانو سره  د سولې خبرو په بهير کې او د سولې له خبر وروسته د ځوانانو د اساسي حقوقو د ساتنې په اړه خبرې وشوې.
د ملي اجماع بنسټ رييس محمد يحيى قانع د دغې اجماع د اړتيا په اړه وويل: دا د سولې لپاره د ځوانانو د ملي اجماع لومړنى پروګرام دى چې د همغږۍ د رامنځته کولو په خاطر په ټول هېواد کې جوړېږي.
قانع زياته کړه چې په دې اجماع کې  له ټول هېواد څخه  د ٢٠٤ بنسټونو استازو ګډون کړى دى.
په پاى کې قانع له حکومت او طالبانو څخه وغوښتل چې د دواړو لورو د ځوانانو ترمنځ د اړيکو د رامنځته کولو زمينه برابره کړي.
دغه راز  په دې اجماع کې ځوانان په دواړو لورو کې د جګړې د اصلي قربانيانو په توګه، د افغانانو ترمنځ د سولې په خبرو، تخنيکي ټيمونو او کتونکي پلاوي کې د اغېزمن، بې طرفه او فعال شتون  غوښتنه وکړه.
اجماع په ١٢ مادو کې د يوه پريکړه ليک په صادرولو سره چې په هغه کې د افغانستان د اسلامي جمهوريت، نړيوالې ټولنې او د طالبانو د ځوانانو مهمې غوښتنې پکې  ليکل شوې دي؛ پاى ته ورسېده .
  ختم_ ج –اکرم

-کابل / دزمري ٢٢مه / باختر:
د محمدي دارالعلوم د نوې ودانۍ  د جوړولو کار پرون د پروان په بګرام ولسوالۍ کې پيل شو .
د بګرام ولسوال وويل دغه ودانۍ  په پنځه سوه دوه اويا مربع متره ځمکې په ساحه کې جوړېږي چې په ودانۍ کې  دولس درسي  او ٤ اداري خونې په پام کې نيول شويدي .او لګښت يې څه دپاسه  نهه مليونه اووه سوه زره افغانۍ اټکل شوى  دى  چې د ښارجوړولواو اراضۍ وزارت له خوا ورکول کېږي.
  ختم_ ج_اکرم

-کابل / دزمري ٢٢مه / باختر:
درې ماشومان په دې وروستيو وختو کې د هلمندپه باغران ،د قندهار په ژيړي او د روزګان  په شهيد حساس  ولسواليو کې د ماشومانو د ګوزڼ يا د پوليو په ناروغى اخته شوي دي.
په جنوبي حوزه کې له پوليو سره د مبارزې د بيړنيو اقداماتو د مرکز رييس عبدالقيوم پخلا نن د باختراژانس خبريال ته وويل دغه ماشومان  چې له دوه کلنى څخه  لږ عمر لري او د طالبانو تر ادارې لاندې سيمو کې  ژوند کوي  او د پوليو واکسين  له تطبيق څخه پاتې دي . 
هغه وويل  چې دغه ماشومان نوي په دغې ناروغى اخته شوي دي او دا د دغو سيمو او آن د هېواد د نورو ماشومانو روغتيا ته جدي ګواښ شمېرل کېږي.
ختم _ج _اکرم

-کابل / دزمري ٢٢مه / باختر:
په پرتمين ډول د زمري د مياشتې د اته ويشتمې نيټې  د هېواد د خپلواکۍ د يوسلويوېمې کاليزې  د نمانځنې لپاره د تياري په مقصد د پروان فرهنګي کمېټې غونډه  پرون په دغه ولايت کې جوړه شوه.
د باختراژانس د خبرله مخې؛ د پروان ولايت  د اطلاعاتواوفرهنګ رييس عبدالواحد هاشمي د هېواد د خپلواکۍ د جشن د نمانځنې د څرنګوالي  اوپه پرتمين ډول  د دغې تاريخي  ورځې  د نمانځنې په خاطر د فرهنګي کمېټې د نيول شويو تدبيرونو په باب  معلومات وړاندې کړل .او د زمري د مياشتې د اته ويشتمې نيټې په مناسبت  د ډول ډول فرهنګي پروګرامونو د ترسره کولو خبرورکړ.
د پروان والي فضل الدين عيار د فرهنګي کمېټې له غړو وغوښتل چې  په دې مناسبت  ورزشي نمايشات،  حانګړي پوځي مراسم ، شب شعراونور پروګرامونه  د هېواد د خپلواکۍ د جشن په مناسبت ترسره کړي .  په دې غونډه کې  د دولتي ادارو يوشمېر رييسانو په پرتمين ډول د هېواد د خپلواکۍ د نمانځنې په خاطر خپلې نظريې اوپيشنهادونه وړاندې کړل.      ختم _ ج _اکرم

Page 9 of 8944